tumne to kah diyaa ki mohabbat nahiiN milii
mujhko to ye bhii kahne kii mohlat nahiiN milii..

niindoN ke des jaate, koii Khwaab dekhte
lekin diyaa jalaane se fursat nahiiN milii

tujhko to khair shahar ke logoN kaa Khauf thaa
aur mujhko apne ghar se ijaazat nahiiN milii..

phir iKhtilaaf-e-raai kii suurat nikal paDii
apnii yahaaN kisii se bhii aadat nahiiN milii

be-zaar yuuN hue ki tere ahad meN hameN
sab kuchh milaa, sukuun kii daulat nahiiN milii.
Submited by apnayaar.com